Graon mo Jastis Pati (GJP) bae i holem Kandidet Wokshop blong hem long wik ia, 2-4 Mei.

Stampa tingting blong wokshop ia hemi blong priperem ol kandidet blong Pati blong 2012 Jenerol Eleksen.
Bambae i gat 12 kandidet blong GJP long 2012 eleksen, mo bae olgeta evriwan i stap long wokshop ia wetem sam memba blong ol komiti blong olgeta.

Long wokshop bae mifala i go thru long Pati Konstityusen, Polisi Platfom mo fasen blong wok, blong mekem sua se evri kandidet wetem ol komiti blong olgeta oli andastandem gud wanem we yumi stap wok from.

Olgeta 12 kandidet ia bae i stanap long ol konstituensi ia:
- Santo Rural (Alfred Maoh)
- Malakula (Danu Nalet)
- Ambae
- Ambrym (Paul Tarsong)
- Paama
- Epi
- Efate Rural
- Port Vila (Ralph Regenvanu & Charles Vatu)
- Tanna
- Tafea Outer Islands.
Olgeta konstituensi we mi raetem nem blong kandidet long olgeta hemi ol kandidet we oli ofiseli lonjem olgeta finis : ol narawan bae yumi stap lonjem long ol taem we i stap kam.