Wan intresting samting i bin hapen taem Gavman i bin ansarem "Written Question" blong mi ia long topik ia long Wenisdei las wik.

Long "Written Answer" blong hem long namba 2 pat blong kwestin ("Ol materiel ia oli stap yet lo wof long Vila, o sipos no oli stap wea?"), Minista i bin talem nomo se oli muvumaot ol material ia finis long "Customs area" blong Port Vila wof, be hemi no talem se oli muvum olgeta go wea.
So mi bin askem wan "supplementary" kwestin bakagen, se oli muvumaot ol kontena ia i go wea stret?
Afta Minista i bin ansa mo talem se sam kontena i go long Malakula finis.
Afta Minista blong Agrikalja, James Ngwango, i bin leftemap han blong hem afta hemi givim wan narafala ansa: hemi talem se ol kontena evriwan i stap long ples blong Chinese fishing faktori long Salili.
So i gat 2 defren ansa long kwestin!

Bae mi traem mekem moa risej blong faenemaot moa infomesen...